香港食遊記屯門德興美食坊

屯門一家老字號，經營咗幾十年嘅老牌茶餐廳！呢間嘢開係商場入面，唔難搵，位於巴黎倫敦紐約米蘭戲院商場內～對於呢鐳舊式茶餐廳，期望係食到昔日快餐風味，果然！佢冇令我失望！所謂平日不吃德興美食妨，斷稱屯門居民也枉然！價錢大眾化，屯門人冇可能未食過！睇見佢Ｄ格局，就知佢舊！茄汁牛舌飯，果然係傳統罐頭茄汁，呢到汁唔係到到食得番！蒜蓉茄汁炸雞扒飯，雞扒大大塊，同樣咁正！可惜呢到Ｄ奶茶唔得，可能佢咁多年都係自己做茶膽，茶味未及得上出面Ｄ供應商～魚旦魚片都好正，湯底太淡，一定要加辣椒油！呢到仲有新鮮麵包出爐，我都忍唔住買個黎食，嘩！熱辣辣叉燒餐包，好食到痺！十分滿分！另一個我至愛，焗肉醬意，雖然有Ｄ燶，味道確係一流，一定要用佢隻罐頭茄汁先好食！鐵板扒都唔錯，當然唔能夠期望佢用Ｄ咩靚扒，但一大牒打風一樣嘅配菜，睇落都開心！總結：Ａ－級（係Ｄ奶茶唔得，其他都好出色！）

转载请注明：http://www.dexingzx.com/dxly/4726.html